RC.KUNENGE AKERWA NA KUSUASUA UJENZI WA SOKO LA SAMAKI.

Posted on: September 21st, 2021

Mhe Abubakar Kunenge  Septemba, 21 2021 ametembelea na kuweka Jiwe la Msingi  la Ujenzi wa Soko Kuu la Kisasa la Samaki  Bagamoyo na kutorudhishwa na kasi ya ujenzi wa soko hilo

Akikagua soko hilo Kunenge amemtaka Mshauri Mwelekezi wa Mradi M/S  Ardhi University kuhakikisha anaonekana eneo eneo la Mradi ili kusukuma kasi ya ujenzi wa soko hilo ambalo linasubiriwa kwa hamu na wananchi wa Bagamoyo na ukanda wa Pwani kwa ujumla.

"Kama pesa ipo kwanini hatuna Soko? Wananchi wanajiuliza, nendeni tena mezani pitieni upya mjipange upya Mkandarasi, Mshauri mwelekezi na Wataalam. Mkataba mwisho ni tarehe 19 Oktoba, 2021" amesistiza Kunenge.

RC Kunenge amesema kutokumalizika kwa wakati kwa Mradi huo ni kuzorotesha juhudi za Serikali katika kuwahudumia Wananchi kwenye mahitaji yao muhimu.

Kunenge amekitaka Chuo Kikuu Ardhi kupitia upya  mpango wao wa usimamizi wa Mradi huo ili kuhakikisha unamalizika haraka.

 "Ardhi University ni Taasisi kubwa hivyo hampaswi kuiangusha Taasisi hiyo...Tarehe 19 Oktoba, 2021 nahitaji  tunakabidhiwa Soko na akuna kuongezewa muda"...Kama mnashida ya vifaa semeni tunaweza kupata oda Maalumu Viwandani.." aliwaeleza Kunenge.

Ujenzi wa mradi  huu utagharimu shilingi Bilioni 1.5,  unajengwa na Mkandarasi  PACHA CONSTRUCTION CO.LTD lengo la mradi huu ni kuboresha Miundombinu ya Soko la Samaki kwa ajili ya kuongeza  ukusanyaji wa mapato, kuhifadhi Mazingira kwa kukuanga samaki kwa kutumia Nishati  ya Gesi na kuiwezesha jamii kupata Kipato na kupata lishe bora inayotokana na Samaki wakati wote.