RUKSA KUTUMIA MUUNDO MPYA.

Posted on: May 19th, 2022

Mwenyekiti wa Halmashauri ya Bagamoyo Mhe Mohamedi Usinga akizungumza kwa niaba ya Madiwani wote wa Halmashauri ya Bagamoyo wakati wa kikao cha Baraza la Madiwani amasema kuwa Baraza la Madiwani limeridhia kuanza kutumia muundo mpya wa Halmashauri

Mhe Usinga ameyasema hayo wakati wa kikao hicho cha Baraza la Madiwani kilichoketi tarehe 19-5-2022 katika ukumbi wa mikutano Tasuba Bagamoyo na kusema kuwaM wote wameriidhia kuanza kutumika kwa muundo mpya katika Halmashauri ya Bagamoyo

“naomba nimuelekeze Mkurugenzi Mtendaji kuwa kwa kuwa sio siri kuhusu muundo huo mpya basi  uwekwe wazi katika ofisi zote za Umma wawe na taarifa za muundo mpya wa Halmashauri ya Wilaya ya Bagamoyo”amesema Mwenyekiti wa Halmashauri

Aidha Mhe Mohamed Usinga ametanabaisha kuwa Baraza limewathibitisha watumishi wawili kazini na kuwapandisha vyeo watumishi ishirini na watano(25) wa Halmashauri ya Bagamoyo huku pia Baraza hilo likiridhia kubadilishwa kwa kada kwa watumishi Wanne(4) wa Halmashauri hiyo.

Sanjari na hayo Mhe Usinga amesema kuwa Baraza limepokea mashauri ya kinizamu kwa watumishi wawili na kusema kuwa mambo hayo bado yapo kwenye Mchakato pindi utakapo itimishwa wananchi watapatiwa taarifa ya kile kilichojadiliwa na waheshimiwa Madiwani.

Katika hatua hiyo pia Mwenyekiti wa Halmashauri ameutaka uongozi wa Hopitali ya Wilaya kutoa maelekezo kwa Walinzi waliopo katika Hospitali hiyo kuhakikisha wanafanya ukaguziwa Magali yanayoingia na kutoka ndani ya Hospitali ya Wilaya ili kuhakikisha kunakuwa na Usalama wa mali za serikali zilizopo Hospitali.

 Pia Mhe Mwenyekiti ametoa pongezi kwa Viongozi wote walioshiriki kukimbiza Mwenge wa Uhuru katika Halmashauri ya Bagamoyo na kusema kuwa wanasubiri kupata ripoti ya Mwisho kujua wameshika nafasi ya ngapi huku akiamini kuwa wamefanya vizuri na wataendeleza rekodi yao ya kuendelea kuwepo kwenye kumi bora ikiwezekana kushika nafasi ya kwanza Kitaifa.

"Kuelekea tarehe 23 Agusti 2022 Mimi Mwenyekiti wa Halmashauri nawaomba  Wananchi wa Wilaya ya Bagamoyo kuhakikisha wanajitokeza kuhesabiwa ili kuweza kusaidia kuleta  maendeleo na Mipango ya Taifa tujitokeze kuhesabiwa" Amesema Mhe Usinga.