SEMINA KWA WALIMU WA SEKODARI

Posted on: April 6th, 2021

Mwenyekiti wa Huduma za Jamii Kamati ya Elimu,Afya na Maji ya Halmashauri ya Wilaya ya Bagamoyo Mhe  Abdul Mzee  Pyalla amefungua ramsi semina ya kujenga uwezo kwa  walimu wa shule zote za sekondari zilizopo katika Halmashauri ya wilaya ya Bagamoyo na kuwatakia kila la kheri katika semina hiyo ambayo inakuwa ni ya kujenga na kuongeza ujuzi katika ufundishaji kwa walimu wote.

Akizungumza na  wajumbe wote waliohudhulia semina hiyo Mhe Pyalla ambae amefungua semina hiyo kwa niaba ya Mwenyekiti wa Halmashauri amesema walimu watumie semina hiyo kuongeza ujuzi na maarifa ili kuweza kuwasaidia wanafunzi kuweza kupata ufaulu mzuri .

 Pia ametoa pongezi kwa walimu hao kwa kufanya vizuri katika mitihani ya kidato cha pili na cha nne kwa kushika nafasi ya kwanza kitaifa kwa miaka minne mfululizo na kuwaomba kuongeza juhudi ili kuhakikisha wanaendelea na kasi waliokuwa nayo katika ufundishaji.

  Nae Mkurungenzi Mtendaji wa Halmashauri ya Wilaya ya Bagamoyo Bi Fatuma Latu amewatakia mafunzo mema ambayo yatawapa uwezo mkubwa katika kutoa elimu kwa wanafunzi pia itasaidia kuzidisha ufaulu maradufu japo kuwa kitaifa bagamoyo ndio inaongoza katika ufaulu kwa miaka mine mfululizo

Bi Fatuma amesisitiza kwa walimu hao kuwa makini katika semina hiyo kwani inamanufaa makubwa na kuwatumia vizuri wakufunzi wanao toa mafunzo kwa kipindi chote cha utoaji wa semina hiyo .

‘’Nawapongeza sana walimu wote kwa kazi kubwa mnayofanya kwani mmekuwa mnatumia nguvu kubwa sana ili kuhakikisha wanafunzi wetu wanafanya vizuri na kuendelea kufanya vizuri katika mitihani yote ya kitaifa kama ambavyo mlivyofanya kwa miaka mine mfululizo niwapongeze sana’’alisema Mkurungenzi Mtendaji.

Afisa Elimu Sekondari  Mwalimu Aloyce Kaziyareli amewaomba walimu hao kutumia nafasi walio ipata katika semina hiyo pindi itakapo malizika kutumia muda wao kuwapa elimu walimu wenzao ambao hawajapata bahati ya kuhudhulia semina hiyo.

Sanjari na hayo amewataka walimu wote ambao wanatakiwa kuwepo kwenye mafunzo kuhudhulia kwa siku zote  mpaka pale semina itakapo malizika pia amewapongeza walimu hao kwa kuendelea kuifanya Halmashauri ya Wilaya ya Bagamoyo kuwa namba moja katika mitihani ya kidato cha pili na cha nne kwa miaka minne mfululizo.  

Lengo la semina hiyo ni utekelezaji wa  mpango wa serikali wa kuwawezesha walimu kukuza taaluma zao ili kuongeza tija katika utoaji wa elimu uwezo wa utendaji kazi kwa walimu wote,semina hiyo itadumu kwa siku tatu inayoendelea katika shule ya sekondari ya Bagamoyo.