Siku ya Wafanyakazi Duniani

Posted on: May 2nd, 2017

Siku ya Wafanyakazi Duniani

Maazimisho ya Siku ya Wafanyakazi Duniani kwa Mkoa wa Pwani yalifanyika Bagamoyo. Maazimisho hayo yalihudhuriwa na

Viongozi mbali mbali wa Mkoa, Wilaya, Wakurugenzi wa Halmashauri na Mashirika ya Umma pamoja na Mashirika Binafsi.

Akizingumza wakati wa kutoa hotuba Mkuu wa Mkoa ambaye alikuwa Mgeni rasmi Mh. Mhandisi Evarist W. Ndikilo alisitiza

Mabaraza ya Wafanyakazi yafanye kazi zake kwa kufuata Sheria ili kuepuka migogoro sehemu za kazi.

Pia aligusia swala la Uhamisho wa ghafla usiofuata taratibu kuepukwa kwani ndio chanzo cha kuzalisha madeni kwa Serikali

hivyo akasisitiza taratibu rasmi za uhamisho zifuatwe. Kilio cha Wafanyakazi wa Sekta Binafsi kutopewa mikataba rasmi

alitoa wito wa sekta hizo zifuate taratibu rasmi ili kuepuka migogoro sehemu za kazi.

Katika Risala ya Katibu wa Chama cha Wafanyakazi Mkoa alimwomba Mgeni rasmi alishughulikie swala la Watumishi Kutokupanda

Madaraja na Kubadilishwa Muundo wa Kazi pindi wamalizapo masomo kwani watumishi wengi hubaki daraja la awali hata kama

amemaliza masomo yake.

Katika Sherehe hizo zilihudhuriwa na Katibu Tawala Mkoa Ndugu Zuberi M. Samataba, Mkuu wa Wilaya Bagamoyo Alhaji Majid Mwanga,

Wakurugenzi wa Halmashuri na Taasisi za Umma pamoja na Mashirika Binafsi.

Pia kulikuwapo na ugawaji wa tuzo kwa wafanyakazi bora toka Halmashauri na Taasisi mbalimbali ambapo Mgeni rasmi alitoa

tamko kwa Wakurugenzi endapo zawadi haijakamilika wasiwataje wahusika kwani hapendi kukabidhi zawadi hewa. Wafanyakazi

walioshinda walipewa vyeti na fedha taslimu kulingana na viwango vya taasisi husika.

Maazimisho hayo yalianza kwa Maandamano kutoka Ofisi ya Mkurugenzi Mtendaji Bagamoyo mpaka Viwanja vya Shule ya Msingi Majengo

kwa kupokelewa na Mgeni Rasmi.

Kauli mbiu ya mwaka huu "Uchumi wa Viwanda uzingatie kulinda Haki, Maslahi na Heshima ya Mfanyakazi"