TANZANIA IPO VIZURI, TUNAJITOSHELEZA UWEKEZAJI SEKTA YA VIWANDA

Posted on: August 18th, 2020

Hayo yamesemwa leo Agosti 18, 2020 na Waziri Mkuu wa Jamhuri ya Muungano wa Tanzania, Mhe. Kassim Majaliwa Majaliwa alipotembelea kiwanda cha Bagamoyo Sugar Co. Ltd, kilichopo Makurunge Wilayani Bagamoyo kujionea uendelevu wa uwekezaji wa mradi huo ambao Serikali imeshirikiana na Mwekezaji kuutekeleza.

Akiwa kiwandani hapo Waziri Mkuu, Mhe. Kassim Majaliwa Majaliwa mbali na kuzunguka kukagua namna utekelezaji wa mradi huo wa shamba la miwa na ujenzi wa kiwanda cha sukari unavyotekelezwa, amezugumzia jinsi Tanzania ilivyojitesheleza hivyo kupelekea kupiga hatua kubwa katika uwekezaji wa sekta ya viwanda.

Mhe. Kassim Majaliwa Majaliwa ametanabaisha kuwa, Serikali ya Awamu ya tano iliamua kuimarisha uchumi wa ndani kwa kuimarisha uwekezaji wa sekta ya viwanda, ambapo matokeo yameshaanza kuonekana kwani sasa Nchi ya Tanzania tumefikia uchumi wa kati, kabla ya malengo ya malengo tuliyojiwekea kufikia kufikia ngazi hiyo ya uchumi wa kati ifikapo Mwaka 2025, lakini Tanzania imefikia uchumi wa kati Mwaka 2020, hii ikiwa imetokana na maboresho makubwa ya mifumo yetu ya kichumi ikiwa ni pamoja na uboreshaji wa Sekta ya viwanda kwa kukaribisha wawekezaji wa ndani na wa nje kujenga viwanda.

“Maboresho haya makubwa ya mifumo yetu ya kiuchumi kupitia uwekezaji wa sekta ya viwanda yamefanikiwa kwakuwa Tanzania tumejitosheleza kuendesha sekta hii ya viwanda, tuna Amani inayofanya Tanzania kuwa mahali salama pa uwekezaji, tuna za kutosha malighafi zinazotokana na ardhi nzuri tuliyonayo, wataalam wazoefu wa kutosha, miundo mbinu ya barabara, reli, maji na umeme ambayo inaendelea kuboreshwa kila uchao vinaifanya Tanzania kujitosheleza kiuwekezaji wa Sekta ya Viwanda” Amesema Mhe. Majaliwa

Anaongeza, ili Sekta hii ya viwanda iendelee kufanya vizuri ni lazima eneo la malighafi tuliwekee msisitizo, tunajua tuna malighafi za kilimo ambazo zinatumika viwandani, tuna malighafi za madini, maliasili na aina karibu zote za malighafi zinazotumika viwandani Tanzania zinapatikana, hivyo sisi Tanzania ni matajiri kwasababu hizi malighafi zote tunazo na tunaendelea kuwakaribisha wawekezaji wa ndani na wan je kuja kuwekeza Tanzania kwani tunajitosheleza” Amesema Mhe. Majaliwa

Waziri Mkuu amefanya ziara maalum kutembelea kiwanda cha sukari cha Bagamoyo Sugar Company limited kilichopo eneo la Makurunge Wilayani Bagamoyo, kujionea uendelevu wa utekelezaji wa uwekezaji wa kiwanda hicho ambacho kinajengwa baada ya Serikali kuipatia Bakhresa group of companies eneo lenye ukubwa wa hekta 10,000 ili wafanye kilimo cha miwa na kujenga kiwanda cha sukari, uwekezaji utakaogharimu jumla ya Dola Milioni 100, huku Benki ya Wakulima Nchini (TADB)  tayari ikiwa imeshatoa mkopo wa Dola Milioni 06 kusaidia uwekezaji huo, hivyo kuifanya Serikali kuwa mdau mkubwa katika uwekezaji huo ambao utaiondoa Tanzania katika upungufu wa takribani Tani 70,000 za sukari zinazohitajika kwa matumizi Nchini.