USAFI WA DAMPO SANZALE.

Posted on: January 12th, 2022

Mkuu wa Idara ya Usafi na Mazingira Dr Israel P. Nyarubeli ameongoza zoezi la usafi wa dampo liililopo Sanzale kata ya Magomeni ili kuweza kuweka dampo hilo katika hali ya usafi na salama katika eneo hilo.

Akizungumza hii leo ofisini kwake amesema kuwa lengo la kufanya usafi katika dampo hilo ni kuhakikisha wanaweka vizuri mazingira ya dampo hilo katika hali ya usafi na usalama kwa wananchi wanao kaa karibu na eneo hilo la dampo kuwa salama kwa afya zao.

‘’tumefanya usafi katika dampo hili ili kuhaikisha tunaweka mazingira safi na kuweka utaratibu ulio mzuri ili kuhakikisha pia watupaji wa taka katika eneo hili wanatupa kwa utaratibu mzuri’’amesema Afisa Mazingira

Zoezi la kufanya usafi katika dampo lililopo Sanzale kata ya Magomeni ni zoezi endelevu ambalo hufanyika kila baada ya miezi mitatu ili kuhakikisha kunakuwa na hali ya usalama na usafi na utaratibu mzuri wa umwagaji taka katika eneo hilo la dampo mpaka pale litakapo patikana eneo jingine la umwagaji taka katika Halmashauri ya Wilaya ya Bagamoyo