UTEKELEZAJI WA KAMPENI YA MSAADA WA KISHERIA WAENDELEA BAGAMOYO....

Posted on: February 26th, 2025

UTEKELEZAJI WA KAMPENI YA MSAADA WA KISHERIA WAENDELEA BAGAMOYO.

Ikiwa ni siku ya pili ya Kampeni ya Msaada wa kisheria ya Mama Samia ( MSLAC) inayojiushisha na utoaji wa msaada wa kisheria leo tarehe 26 Februari 2025 imeendelea katika Kata ya Makurunge Halmashauri ya Wilaya ya Bagamoyo.

Mratibu wa Msaada wa Kisheria Bagamoyo Ndg.George Mollel pamoja na jopo la wataalamu wamefika katika Kata ya Makurunge na kuzungukia Kitongoji cha Mkwajuni,shule ya Sekondari Makurunge,Shule ya Msingi Mtoni,ofisi ya kitongoji  cha Kifude pamoja na Kitongoji cha Kitame.

Wataalamu hao wamezungumza na wanafunzi pamoja katika maeneo tofauti huku wakitoa nafasi ya kusikiliza changamoto walizonazo pomoja kutolea majibu changamoto hizo.

Aidha Afisa Ardhi Ndg.John Langas ametolea ufafanuzi wa baadhi ya maswal ya changamoto za ardhi zilizopo kwa baadhi ya wananchi katika Kata hiyo huku pia akitoa wito kwa wananchi hao kusubilia majibu  kwa zile changamoto ambazo   viongozi wanaendelea kuzifanyia kazi 

Pia Afisa wa vizazi na vifo Wilaya ya Bagamoyo Bi Lilian Nassa ametoa wito kwa wananchi ambao bado hawana vyeti vya kuzaliwa kuendelea kufatilia vyeti ili  kuvipata kwani vina umuhimu wake pindi vitakapo hitajika.

Nae Msajili Msaidizi wa Huduma za msaada wa Kisheria Halmashauri ya Wilaya ya Bagamoyo Ndg.Mohamed Nyange amezungumza na wanafunzi wa shule ya Msingi Mtoni  juu ya haki na wajibu kwa mtoto na maswala ya ukatili wa kijinsia pamoja na athari zake.

Kampeni hiyo iliyozinduliwa Kimkoa Halmashauri ya Mji wa Kibaha na  Mhe Mkuu wa Mkoa wa Pwani Abubakari Kunenge itaendelea tena hapo kesho katika Kata ya Yombo Halmashauri ya Bagamoyo.