WAJIBIKENI IPASAVYO KATIKA NYAZFA ZENU -AFISA ELIMU SEKONDARI...

Posted on: March 11th, 2025

WAJIBIKENI IPASAVYO KATIKA NYAZFA ZENU -AFISA ELIMU SEKONDARI..

Afisa Elimu Sekondari Mwl. Aloyce Kaziyaleli kwa Niaba ya Mkurugenzi Mtendaji Halmashauri ya Wilaya ya Bagamoyo ametoa wito kwa viongozi wa chama cha watu wenye ulemavu kuwajibika ipasavyo pindi wanapokuwa katika nyazfa zao.

Hayo ameyasema wakati wa kufungua Hafla fupi ya kuapisha viongozi wa chama hicho katika ukumbi mdogo wa mikutano ofisi za uvuvi Halmashauri  ya Bagamoyo.

Aidha Mwl Aloyce amewataka viongozi hao kuwasadia wenzao pamoja na kuwaonesha njia za kupitia pindi wanapo patwa na changamoto ili waweze kuzitatua na kupata ufumbuzi.

Vilevile ametoa rai kwa viongozi hao kutafuta  shughuli za kuwaingizia  kipato huku pia akishauri kutengeneza vikundi vya ujasiliamali ili kuweza pia kupata mikopo ya Halmashauri ambayo inahusisha makundi yote ya vijana,wanawake na watu wenye ulemavu.

Nae Mwanasheria wa Halmashauri Bi Jackline Kavishe  aliwaapisha viongozi hao wa chama cha watu wenye ulemavu  na kuwataka  kuhakikisha wanafata sheria kanuni na taratibu kama kiapo kinavyosema pamoja na kutunza siri kama viongozi.

Musa selemani Doto Katibu Mkuu chama hicho  ametoa shukrani kwa viongozi wote waliohudhulia katika uapisho huo wa viongozi huku pia akiomba kwa mwanasheria kuwasaidia kuwapatia elimu  ya msaada  wa kisheria .

Afisa Ustawi wa Jamii Hubwa Yasiin ametoa wito kwa watu wote wenye ulemavu kutokaa ndani badala yake kwenda kutafursa mbalimbali za kujiingizia kipato kama kupata mipoko ya asilimia 10 lakin pia kupewa elimu ya usajiliamali  ambayo itakusaidia kuitumia katika kuendeleza biashara mbalimbali.

Pia  ametoa angalizo kuwa mikopo ya Halmashauri haiwezi kukopesha watu wote kwa wakati mmoja bali  ni watu wachache lakini pia wanatakiwa kurejesha mikopo hiyo ili kutoa fursa kwa wengine kupata mikopo hiyo.