WAKUU WA TAASISI HUDHULIENI VIKAO VYA BARAZA LA MADIWANI.

Posted on: September 16th, 2021

Mkuu wa Wilaya ya Bagamoyo Mhe.Zainab Abdallah ametoa maelekezo kwa wa kuu wote wa Taasisi ndani ya Halmashauri ya Wilaya ya Bagamoyo na Chalinze kushiriki katika vikao vya Baraza la Madiwani sambamba na kutoa taarifa juu ya maendeleo ya miradi mbalimbali wanayoendelea kuitekeleza.

hayo ameyazungumza mara baada ya kuhudhulia katika kikao cha baraza la madiwani cha robo ya nne cha mwaka 2020/2021 kilichofanyika tarehe 15,Sept 2021 katika ukumbi wa Halmashauri ya Wilaya ya Bagamoyo na kutoa maelezo kwa wakuu wote wa Taasisi kuweza kuhudhulia vikao vyote vya  baraza la madiwani

''Naelekeza kwa wakuu wa taasisi wote ndani ya Halmashauri ya Bagamoyo na Chalinze kuhakikisha wanashiriki katika vikao hivi vya baraza la madiwani sambamba na kutoa taarifa juu ya maendeleo ya miradi mbalimbali'' Amesema Mhe Mkuu wa Wilaya

Sanjari na hayo Mhe. Mkuu wa Wilaya amemshukuru Mhe. Rais wa Jamhuri ya Muungano wa Tanzania Samia Suluhu Hassan kwa kuelekeza kila jimbo kiasi cha shilingi mil,500 kwa ajili ya ujenzi wa vituo vya afya viwili pamoja na kupata fedha kiasi cha shilingi Bilioni moja  kwa ajili ya kukarabati barabara za ndani ya Wilaya.

Pia Mhe Zainab ametoa maelekezo kwa wataalamu kuhakikisha fedha hizo hazichezewi na zinatumika kama ilivyokusudiwa na kutengeneza miradi yenye ubora na viwango vinavyotakiwa  na kukamilika kwa wakati  pamoja  na kuwashirikisha wananchi kikamilifu katika utekelezaji wa miradi hii ya kimaendeleo.