WAPENI ELIMU WANANCHI KUHUSU UGOJWA WA MPOX...

Posted on: March 17th, 2025

WAPENI ELIMU WANANCHI KUHUSU UGOJWA WA MPOX..

 Mkuu wa Wilaya ya Bagamoyo  Mhe Shaibu Ndemanga ametoa wito kwa Wataalamu wa Afya kutoa elimu kwa wananchi  kuhusu  Ugonjwa wa Mpox pamoja na  namna ya kujilinda na ugonjwa huo.

Mhe Ndemanga ameyasema hayo wakati alipokuwa akizungumza na Wataalamu wa Afya kamati ya Usalama wa Wilaya, Viongozi wa Dini na Wataalamu kutoka Halmashauri  ofisini kwake tarehe 17 Marchi 2025.

Mhe Mkuu wa Wilaya amesema kuwa wataalamu watumie kipindi hichi kutoa elimu ya ugonjwa huo  dalili zake,madhara yake,pamoja na namna ya kujikinga na ugonjwa huo huku akisisitiza kuandaa vipeperushi vitakavyo saidia kufika ujumbe kwa urahisi.

Pia Mhe Ndemanga amewasihi viongozi wa Dini zote Kuzungumza na waumini kwa kuwapatia elimu  pindi wanapokuwa katika vipindi mbalimbali vya ibada pamoja na kuwapatia vipeperushi ili waweze kujua namna nzuri ya kujilinda  na ugonjwa huo.

Aidha Mhe Mkuu wa Wilaya amewataka maafisa Afya kuhakikisha wanapita kukagua maeneo yote ya Biashara,mikusanyiko ya watu,standi za magari ,vijiwe vya bodaboda kama wamechukua tahadhali zote za kujikinga na ugonjwa kwa kuweka ndoo za maji tiririka na sabuni. 

Mkuu wa Wikaya pia Amemtaka Mkurugenzi Mtendaji  kulichukulia jambo hili kama dhalura kwa kutenga fedha ili kusaidia kuhakikisha wanachi wanapata huduma pindi wanapopatwa na ugonjwa huu pamoja na kupitisha matangazo kwenye mitaa mbalimbali wananchi wafahamu juu ya ugonjwa huo.

Vile vile amemtaka Mganga Mkuu wa Wilaya kuweka mazingira Rafiki kwa Watumishi wa Afya  wakati wa kutoa huduma ili kuhakisha na wao wanakuwa katika hali ya usalama na kuepuka kupata maambukizi ya  ugonjwa huu.