WATAALAMU WA WIOMSA WAITEMBELEA BAGAMOYO

Posted on: September 14th, 2017

Wataalamu wapatao 26, kutoka taasisi ya WIOMSA (Western Indian Ocean Marine Scientist Agency ) toka nchi takribani sita za Afrika zikiwemo Kenya, Tanzania, Ethiopia, Rwanda, Zambia na Uganda leo wameitembelea Halmashauri ya Wilaya ya Bagamoyo ili kupata uzoefu na kujifunza juu ya mpango mkakati wa maendeleo wa Halmashauri ya Wilaya ya Bagamoyo na kutazama fursa za kiuchumi zilizopo ndani ya Halmashauri ya Wilaya ya Bagamoyo.

Pia wataalamu hao wana lengo la kufanya tathmini ya mkakati wa kimazingira wa Halmashauri na kuangalia utekelezaji wa miradi ya maendeleo ya Ujenzi wa bandari na eneo la uwekezaji yaani EPZA miradi inayotekelezwa na Serikali kuu ndani ya Halmashauri ya Wilaya ya Bagamoyo.

Wakiwa katika Ofisi za Halmashauri ya Wilaya ya Bagamoyo Wataamu hao walipokelewa na Mwenyekiti wa Halmashauri hiyo Mh.Alli Alli Issa ambae aliwanasibu kuwa Halmashauri imejipanga kutekeleza mkakati wake wa maendeleo kwa kushirikiana na wadau mbalimbali wa maendeleo katika Halmashauri ya Wilaya ya Bagamoyo kwa kuhakikisha wanakusanya mapato ya ndani ya Halmashauri kwa nguvu ili kufikia malengo waliyojiwekea.

Wakiwa Bagamoyo Wataalamu hao watatembelea bandari ya mbegani, eneo la uwekezaji la EPZA lakini pia watapata fursa ya kutembelea na kuona maeneo ya kihistoria na Utalii yanayopatikana katika Halmashauri ya Wilaya ya Bagamoyo. 

Nao waratibu wa ziara hiyo Dr. Julius Francis Waisu  toka Tanzania na Bi. Lilian Omolo kutoka Zanzibar, wameshukuru kwa kupokelewa vizuri na Halmashauri ya Bagamoyo na kwamba ziara hiyo ya siku nne ni yenye tija kwa Wataalamu hao kwani wanapata fursa ya kujifunza lakini pia kuongeza uzoefu katika masuala ya mazingira na ukuaji wa uchumi wa mwafrika.