WAZIRI JAFO AAGIZO MAONESHO YA VIWANDA NA BIASHARA MKOA WA PWANI SASA YATAKUWA YA KITAIFA...

Posted on: December 17th, 2024

Waziri wa Viwanda na Biashara Mhe Selemani Jafo ameagiza maonesho ya viwanda na biashara yanayofanyika Mkoani Pwani sasa kuwa maonesho ya Kitaifa na yatasimawiwa na wizara ya viwanda na Biashara kwa kushirikiana na Mkoa wa Pwani.

Mhe Selemani Jafo ametoa maagizo hayo leo tarehe 17 Desemba 2024  wakati wa ufunguzi wa maonesho hayo ya nne yanayofanyika kila mwaka kibaha mkoani Pwani huku akisisitiza maonesho hayo yataendelea kufanyika ndani ya mkoa wa Pwani

“Nimuagize Katibu Mkuu wa Wizara ya Viwanda na Biashara kuwa sasa maoenesho haya nikiwa Waziri wa Viwanda na Bishara nakuagiza katibu Mkuu wa viwanda na Biashara kuanzia sasa maonesho haya yawe maonesho ya kitaifa yasimamiwe na Wizara ya Viwanda kwa kushirikiana na Mkoa wa Pwani”amesema Mhe Waziri.

Mhe Waziri na Viwanda na Biashara pia ametoa pongezi kwa Mkuu wa Mkoa wa Pwani Pamoja na viongozi wote wa Mkoa huo kwa kazi nzuri na bora wanayoendelea kuifanya katika mkoa huo Pamoja na kufanya kazi iliyo bora.

Aidha Mhe Jafo ametumia fursa hiyo kumshukuru Mhe Rais wa Jamhuri ya Muungano wa Tanzania kwa kazi kubwa anayoendela kuifanya katika nchi ya Tanzania ambapo toka aingie madarakani kwa awamu hii ya sita kuna ongezeko la viwanda elfu 18 katika nchi ya Tanzania.

Sambamba na hilo pia amewapongeza wananchi wa Mkoa wa Pwani Pamoja na Mikoa Jiarani kwa ukarimu na wema wanaouonesha kwa wawekezaji wanaokuja kuwekeza katika mkoa huo huku akisema ndani ya miaka minne zaidi ya viwanda 131 vimejegwa katika Mkoa huo.

Nae Mkuu wa Mkoa wa Pwani Mhe Abubakari Kunenge ametoa pongezi kwa Rais wa Jamhuri ya Muungano wa Tanzaia Pamoja na Watendaji wote wa Wizara ya Nishati kwa kuendelea kuboresha huduma ya umeme.

Mhe Kunenge amesema kuwa kwa mwaka huu kunategemewa kuwa na ongezeko la viwanda asilimia 30 kutoka kwa wataalamu wa kituo cha uwekezaji huku pia akitoa shukrani kwa Mhe Waziri wa Maji,Waziri wa Ujenzi.pamoja na Waziri wa Tamisemi kwa ushirikiano wao.

Maeonesho ya Viwanda na biashara yameanza hii leo Kibaha mkoani Pwani ambapo ni maonesho ya 4 toka kuanza kwa maonesho hayo kadhalika na hilo sasa maeonesho hayo yatakuwa ni maonesho ya Kitaifa.