WEHESHIMIWA MADIWANI WAFANYIWA TAFRIJA YA KUWAAGA....

Posted on: June 20th, 2025

Halmashauri ya Wilaya ya Bagamoyo kwa kushirikiana na Ofisi ya Mkuu wa Wilaya ya Bagamoyo wamefanya tafrija ya kuwaaga waheshimiwa Madiwani wa Halmashauri hiyo.

Tafrija hiyo imefanyika tarehe 20 June 2025 huku Mgeni Rasmi wa Tafrija hiyo Akiwa Mhe Mkuu wa Wilaya ya Bagamoyo Shaibu Ndemanga.

Mhe Mkuu wa Wilaya ametumia fursa hiyo kuwashukuru na kuwapongeza waheshimiwa Madiwani kwa utumishi wao katika kipindi chote cha miaka Mitano ambayo waliwawakilisha vizuri wananchi wa kata zao.

Katika Hatua nyingine Mhe Ndemanga amewatakia kila la kheri waheshimiwa hao kuelekea uchaguzi mwezi Oktoba mwaka huu 2025.

Kwa upande wao Waheshimiwa Madiwani nao walipata nafasi ya kuzungumza na watumishi waliojitokeza kuwaaga katika tafrija hiyo kwa kutoa shukrani kwa ushirikiano Mkubwa walioupata kutoka kwao.

Pia vilevile wamewataka watumishi hao kuendelea kufanya usimamizi mzuri wa miradi ya maendeleo pamoja na kuendeleza juhudi za ukusanyaji wa mapato ya Halmashauri.

Katika Upande Mwingine Afisa Mipango wa Halmashauri ya Bagamoyo Bi Huruma nae alitoa shukrani na pongezi kubwa kwa Waheshimiwa hao madiwani na kuwatakia kila la heri katika Uchaguzi.

Mkurugenzi Mtendaji Halmashauri ya Bagamoyo Bw Shauri Selenda ametoa shukrani kwa Madiwani kwa zawadi walizompatia pamoja na ushirikiano ambao wamempa katika kipindi chote cha uongozi wao..