ZAIDI YA MAGUNIA 80 YA MKAA YAKAMATWA..

Posted on: February 18th, 2023

Wakala wa Huduma za Misitu Tanzania(TFS)Wilaya ya Bagamoyo kanda maalumu Sadani Tarehe 16 februari 2023 wamekamata magunia ya mkaa zaidi ya 80 katika bandari bubu ya iliyopo Lazaba kata ya Makurunge Wilayani Bagamoyo yaliyokuwa yakisafirishwa kuelekea Zanzibar bila kuwepo kwa kibali maalumu cha mamlaka husika.

akizungumza kwa niaba ya Mhifadhi Misitu Wilaya ya Bagamoyo ndg.Ally Sbahani amesema kuwa wamekamata magunia yasiyopungua 80 katika moja ya bandari bubu iliyopo eneo la Lazaba Kata ya Makurunge majira ya saa tano  asubihi katika moja ya majahazi yanayosafilisha mizigo.

“majira ya saa tano asubuhi tulifanikiwa kukamata jahazi moja lenye jina la huda likiwa limebeba gunia za mkaa zisizopungua 80 maeneo ya bandari bubu na kufanikiwa kupata washukiwa wawili’’amesema ndg.Ally Shabani

aidha pia ameongeza kwa kusema kuwa sheria na taratibu zitafuta na kuanza utaratibu wa kutaifisha mzigo mara moja kwa kutumia njia ya mnada kwa mujibu wa sheria pamoja na hayo ofisi inaendelea kutoa onyo kwa wale wote wenye tabia za kutorosha mazao ya mistu kuacha mara moja .

sanjari na hayo nae ndg.Abubakari Iddy Abeid ametoa wito kwa wanachi wote kufuata utaratibu na sheria hivyo kwa wale wote wanaotumia bandari bubu zote zilizopo eneo la Lazaba zipo ndani ya maeneo ya hifadhi ya mikoko na linasilimamiwa kisheria hivyo watu wote waendeleee kuchua tahadhali juu ya vitendo hivyo hatua kali za kisheria zitachukuliwa dhidi yao.

Kwa mujibu wa sheria ya misitu na14 ya mwaka 2002 ni kosa kisheria kuingia  au kufanya shughuli zozote za kibinadamu ndani ya hifadhi bila kibali kutoka katika mamlaka husika.