ZIARA

Posted on: March 11th, 2021

Mwenyekiti wa halmashauri ya Wilaya ya Bagamoyo Mohammedi Usinga  amefanya ziara katika maeneo mbalimbali kuweza kuangalia utendaji kazi  pamoja na shughuli za ujenzi wa vyumba vya madarasa vinavyoendelea kujengwa katika kata mbalimbali Wilayani humo.

Ziara hiyo ameifanya 11 machi 2021 na kutembelea katika hospitali ya Wilaya ya Bagamoyo na kuzungumza na watumishi wa Hospitali hiyo akiwemo Mganga Mkuu wa hospital hiyo huku lengo la kutembelea hapo ili kuona namna utoaji wa kuhuduma ilivyo katika hospitali hiyo.

‘’ leo tunatambua kuwa ni siku ya kazi hivyo lengo kubwa la ujio wangu hapa mimi pamoja na Mkurugenzi Mtendaji ni kutaka kufahamu namna ya utoaji wa huduma kwa wananchi pamoja na gharama za uchangiaji kwa wagojwa’’ alisema Mwenyekiti Usinga

Mhe Usinga pia amesema kuwa ni muhimu kuweka mpango ulio kuwa mzuri kwa wananchi ili kuweza kuwahamasisha  kujiunga na bima ya CHF kwani hamasa imekuwa ni ndogo kwa wananchi huku pia kukiwa na ufinyu wa elimu kwa wananchi hao kuhusu kujiunga na bima hiyo kwa ajili ya matibabu.

 Aidha Mwenyekiti huyo  amewaelekeza watumishi hao kufanya usimamizi mzuri kwa zahanati zote zilizoppo katika Halmashauri ya Wilaya ya Bagamoyo kuboresha huduma kwa wananchi ili kupunguza kundi kubwa  la watu  ambalo linakuja kupata huduma katika hospitali ya Wilaya waweze kupata huduma katika zahanati zilizopo katika maeneo wanayo ishi.  

 Mbali na hayo Mhe Usinga pia ametembelea shule za sekondari ikiwemo Kiromo,sekondari,Fukayosi sekondari,Matimbwa sekondari  kuangalia ujenzi unao endelea wa vyumba vya madarasa katika shule hizo za sekondari na kuwapongeza hatua walizofikia huku pia akiwaagiza kuongeza nguvu kuweza kumaliza kwa wakati vyumba hivyo vya madarasa ili kuweza kumkabidhi vyumba  vya madarasa Mkurugenzi Mtendaji wa Halmashauri hiyo.

Sanjari na hayo Mkurugenzi Mtendaji wa Halmashauri ya Wilaya ya Bagamoyo Bi Fatuma Latu amepongeza juhudi anazozifanya Mwenyekiti wa Halmashauri kwani amekuwa ni kiongozi ambae anahitaji maendeleo katika Wilaya ya Bagamoyo  amekuwa ni kiongozi wa tofauti huku pia akimuomba kuendelea na kasi aliyonayo ili kuweza kufikia malengo waliojiwekea.

Aidha Mkurugenzi huyo amewaomba watumishi wote wamtumie vizuri Mwenyekiti wa Halmashauri hiyo kwani wakimtumia vizuri watafika mbali sana kimaendeleo.

Mwenyekiti wa Halmashauri ya Wilaya ya Bagamoyo, ameweka wazi kuwa ameamua kutumia siku ya Jumanne na Alhamisi kutokukaa ofisini badala yake atatumia siku hizo kutembelea maeneo mbali mbali ili kuweza kujua changamoto zilizopo katika wilaya yake na kuweza kuzitatua  huku pia akiwaomba wananchi kuweza kumpatia ushirikiano katika kila hatua.