ZIARA...

Posted on: July 20th, 2023

Kamati ya wataalamu (CMT) Halmashauri ya Wilaya Bagamoyo  yafanya ziara katika miradi inayoendelea ndani ya Halmashauri ya Wilaya  Bagamoyo ilikukagua maendeleo ya miradi hiyo juzi tarehe 18 julai 20223. Miradi hiyo ikijumuisha   zahanati ya Tungutungu Mapinga , Shule mpya ya msingi  Kiharaka ,ujenzi wa ukuta Shule ya Msingi Jitegemee, Shule ya Msingi Ukuni , Shule ya Msingi Kiromo , Shule ya sekondari Bagamoyo,  Maeneo ya wazi pamoja  na mradi wa  Hoteli BADECO unaoendelezwa na wawekezaji.    

           Akizungumza katika ziara hiyo, Mratibu wa miradi  ya BOOST Bwana. Joseph  Bureta  alisema lengo kuu la ziara hii nikufanya ukaguzi wa miradi yote inayoendelea ndani ya Halmashauri ili kujua maendeleo na changamoto za miradi. “Ziara hii inalengo la kukagua miradi yote inayoendelea katika Halmashauri yetu ili kujirizisha kuwa kazi zinakwenda vizuri lakini pia kujua changamoto ambazo inakwamisha miradi ilituweze kuzitatua kwa namna moja au nyingine lakini pia kufahamu miradi imefikia wapi na  kwa ile ambayo imekamilika basi tuitambue na kufikisha taarifa katika Halmashauri kwaajili ya kuanza kazi “. Alisema Bwana Bureta .

        Kwa upande wake Mhandisi aliyetembelea miradi hiyo Mhandisi.Respicius Kalushekya aliwapongeza wasimamizi wa miradi hiyo kwa kazi walizo zifanya hadi kufikia hapo, pia  alisema amejiridhishwa na  miradi yote kwani miradi  inaendelea vizuri mingine ikiwa imefikia asilimia 90% mpaka 95 % kukamilika pia miradi mingine imeshaanza kutoa huduma kwa jamii ikiwemo Zahanati ya Tungutungu Mapinga  ,ijapokuwa kuna maboresho madogomadogo ambayo yanahitajika kufanyika katika miradi hiyo.

      Pia Kalushekya  aliwataka  Wahandisi waliokabidhiwa miradi wafanye kazi kwa biidi ,ata ikiwezekena kuongeza masaa ya ufanyaji kazi ili kukamilisha miradi hiyo ndani ya  mda  pia  alihimiza kutengeneza mpango kazi wa kila mradi lengo nikutambua mradi utakamilika ndani ya muda gani.  “Nawasisitiza sana wa Wahandisi katika kujituma na kufanya kazi kwa bidii ilikukamilisha miradi  kwa wakati pia nahitaji kila mradi utengeneze mpango kazi kuanzia sasa nakufikisha katika ofisi za Halmashuri ili tutambue miradi hiyo itakamilika kwa kipindi cha muda gani “ . Alisema Mhandisi Kalushekya .

       Aidha wakizungumza baadhi ya wasimamizi wa miradi hiyo walisema miradi inakabiliwa na uhaba wa fedha ,ucheleweshwaji wa vifaa kama vile mabati, muda mchache wa kazi vitu ambavyo vinasababisha  kukwama kwa miradi kukamilika ndani ya mda  husika .

    “Changamoto ambazo zinatukabili sisi kama mafundi na wasimamizi wa miradi ni uhaba wa kifedha , ucheleweshwaji wa vifaa ikiwemo mabati lakini pia muda tuliopewa ni mdogo zaidi kushinda kazi ambayo inahitajika kufanyika suala hili ndiyo linasababisha ucheleweshaji wa kazi kukamilika kwahiyo wito wetu sisi tunaomba muda uongezwe pamoja na kuwahisha vifaa eneo la kazi “. Walisisitiza  wasimamizi hao wa miradi