NAIBU WAZIRI OFISI YA RAIS ( TAMISEMI ) DK FESTO JOHN LUGANGE ATEMBELEA WILAYANI BAYAMOYO PAMOJA NA HOSPITAL YA WILAYA

Posted on: January 6th, 2021

Naibu Waziri ofisi ya Raisi ( Tamisemi ) dkt Festo John Lugange mapema hii leo tarehe 

6 januari 2021 ametembelea katika halmashauri ya wilaya ya bagamoyo pamoja na

 hospitali ya wilaya hiyo.

Katika ziara hiyo Mhe Naibu Waziri Tamisemi amepokelewa na Mkuu wa Wilaya Mhe

Zainab Kawawa,Mkurugenzi  Mtendaji  wa Halmashauri ya Bagamoyo Bi Fatuma O

Latu, pamoja na madiwani ,wakuu wa idara mbalimbali za halmashauri hiyo na 

kuelezezwa utendaji kazi wa idara hizo pamoja na changamoto zilizopo.

Mhe Naibu Waziri Tamisemi amefurahi kufika katika halmashauri ya wilaya ya bagamoyo

na kuwashauri mambo mbalimbali pamoja na namna ya kutatua changamoto zinazowa

kabili haswa swala la ujenzi wa vyumba vya madarasa ambavyo kiujumla wanatakiwa 

wakamilishe ili wanafunzi waweze kuanza kusoma masomo ya kidato cha kwanza mwaka

huu 2021.

Pia Naibu Waziri Tamisemi amewatakla watu wote ambao wanahusika katika ukusanyaji wa

mapato ya ndani wahakikishe wanafikia malengo walio jiwekea ili kuweza kuendana na agizo

ambalo serikali imezitaka halmashauri zote kuhakikisha mapato ya ndani yanafikia  asilimia

50 kwa kila mwezi na kuhakikisha wanafanya mgawanyo wa mapato hayo kama ambavyo

walivyoagizwa na serikali.

Naibu Waziri Tamisemi pia ametembelea hospital ya Wilaya ya bagamoyo ili kuweza kuona 

utendaji kazi ambao upo na namna ambavyo wananchi wanapata huduma iliyo kuwa bora

kama ambavyo serikali ilivyoagiza kwa kila mwananchi anapata huduma bora katika vituo 

vyote vya afya nchini..

Naibu Waziri Tamisemi amesema kutoridhishwa na utendaji kazi wa hospital hiyo pamoja na

uongozi uliopo kuanzia mganga mfawidhi,matron na timu ya uendeshaji  ya hospital kiujumla

kutokana na kero zilizokuwepo pia kutokuwepo kwa mfumo sahihi wa ukusanyaji wa fedha 

pamoja na ukosefu wa risiti za kuonesha mapato yanayoingia katika hospital hiyo ,mazingira

yasiyorafiki kwa wagojwa ikiwemo kuwepo kwa uchafu vyooni,lugha mbaya pamoja na

mazingira yaliyozunguka hospital.

Naibu Waziri Tamisemi  ameagiza kuwa Mganga Mfawidhi,Matroni wakae pembeni na kutafuta

Mganga Mfawidhi mwenye uwezo na Matron mwenye uwezo wa kusimamia ipasavyo huduma 

za afya katika Hospital  ya bagamoyo.

Pia ameagiza mganga mkuu wa wilaya kukaa pembeni  kwanza, Tamisemi itatoa utaratibu mzuri

wa kuboresha na kupata Mganga Mkuu  wa Wilaya ya Halmashauri ya Wilaya ya Bagamoyo ili 

aje kusimamia majukumu hayo, wakati hatua nyingine za taratibu za kiutumishi zinafatwa  kwa 

Mganga Mkuu huyo wa Bagamoyo.

‘’kwa maana hii na kuwepo ka kero hizi maana yake timu nzima akiwepo  mganga mkuu wa wilaya

halamashauri ya bagamoyo hatuendi vizuri lakini tunaghalimu  maisha ya wanachi, tunaghalimu

taswira ya serikal,i tunamgharimu mkurugenzi lakini Mhe DC na serikali kiujumla na sisi Tamisemi

mnatugharimu kwa sababu ni kazi yetu kusimamia ba sisi hatupo tayari wanachi wakose huduma

bora kwa sababu ya uzembe wa watu wachache ambao wamepewa dhamana hatupo tayari kabisa

‘’alisema  dkt Festo  John  Naibu Waziri Tamisemi

Aidha pia Mhe Naibu Waziri Tamisemi ametoa maelekezo  kuwa  ifikapo tarehe 30 januari anafika

tena hapo katika hospitali ya halmashauri ya wilaya ya bagamoyo kuona mapato yote ya hospital

na maeneo yote ambayo  yanalipiwa takwimu zinaonesha ni kiasi gani kimelipwa fedha hizo zimefanya

kazi gani na kuweka mfumo wote wa mapokezi wa wagojwa,matunizi ya dawa vitabu vyote ambavyo

vinatakiwa kutumika kuonesha  takwimu za wagonjwa waliopata huduma.

Ziara hiyo ni muendelezo wa ziara mbalimbali zinazofanywa na mawaziri wa wizara tofauti nchi nzima ili 

kuhakikisha watumishi wa umma wanafanya kazi kwa kuzingatia sheria na misingi ya utawala bora na

wanachi wanapata huduma zilizokuwa bora na kutatua kero mablimbali katika wilaya,vijiji na mikoa nchi zima.