Usafishaji na Mazingira

Idara ya Usafi na Mazingira inasimamiwa na Kaimu Mkuu wa Idara hiyo Ndg. Ludamila Mgalula.

Simu Na. 0713 319 356

SERA, SHERIA NA KANUNI ZINAZOIONGOZA IDARA YA USAFI NA MAZINGIRA

Idara ya usafi na mazingira inafanya shughuli zake kwa mujibu wa sera, sheria na kanuni zilizoanzishwa na kupitishwa na serikali.

Idara inatekeleza sheria tofauti katika majukumu yake ikiwa ni;-

•Sheria ya Usimamizi wa Mazingira namba 20 ya mwaka (2004) na Kanuni zake za mwaka 2009

•Sheria ndogo ya hifadhi ya Mazingira ya Halmashauri ya wilaya ya Bagamoyo ya mwaka 2016

•Sheria ndogo za usafi wa mazingira za Halmashauri ya wilaya ya Bagamoyo mwaka 2016

•Sheria ndogo zilizoanzishwa na zitakazoanzishwa na Halmashauri ya wilaya ya Bagamoyo.

UTENDAJI KAZI

Majukumu ya Idara hii ni kusimamia utunzaji/Uhifadhi wa Mazingira na Bioanuai, udhibiti wa uchafuzi wa Mazingira (Ardhi, maji, hewa na sauti, na kusimamia usafirishaji na ukusanyaji wa taka ngumu kutoka kwenye ,majengo, maeneo ya wazi, barabara na mifereji ya kuondoa maji ya mvua na maji taka mijini katika makazi.

VITENGO NA KAZI ZAKE

i.    Hifadhi ya Mazingira

•Kutenga maeneo ya upandaji wa miti, majani, maua,ukatiaji wa miti na upendezeshaji wa mazingira.

•Kuhamasisha jamii kushiriki kupanda miti, majani,  maua ukatiaji wa miti na upendezeshaji wa mazingira.

•Kuandaa na kufuatilia utekelezaji wa mipango ya halmashauri ya usimamizi wa mazingira kwa kuzingatia mpango kazi wa Taifa na usimamizi wa Mazingira.

•Kusimamia utekelezaji wa sera ,sheria na miongozo ya kulinda mazingira.

•Kuandaa taarifa ya hali ya mazingira.

•Kusimamia utunzaji wa vyanzo vya maji kwa kudhibiti utekelezaji wa shughuli yoyote inayoweza kuleta athari.

•Kutoa elimu ya hifadhi endelevu ya bioanuari.

•Kuweka na kusimamia mikakati ya kuongoa ardhi iliyoharibiwa na kuzuia uharibifu wa bioanuai.

•Kuhamasisha matumizi yateknolojia ya nishaji mbadala pamoja na majiko banifu.

ii.Udhibiti uchafuzi wa Mazingira( Ardhi, maji, hewa na sauti)

•Kutoa elimu kwa jamii kuhusu njia bora za kudhibiti uchafuzi wa mazingira.

•Kusimamia Sheria za kudhibiti uchafuzi wa Mazingira

•Kusimamia na kudhibiti uchafuzi wa mazingira unaosababishwa na maji taka

•Kufuatilia na kufanya tathmini kwa athari za uchafuzi wa mazingira katika makazi, viwanda, migodi, ujenzi, biashara, kilimo, na ufugaji.

iii.    Tathmini ya athari kwa  mazingira (EIA)

a)    Kusimamia Sheria , Kanuni na Miongozo mbalimbali ya kufanya tathmini kubaini na kuzuia   athari kwa  mazingira

b)    Kufuatilia utekelezaji wa mpango na maelekezo ya tathmini ya athari za mazingira kwa kila mradi uliofanyiwa tathmini hiyo.

c)    Kuratibu utekelezaji wa kazi za kamati za mazingira na kamati za kudumu za halmashauri.

iv.    Udhibiti wa taka ngumu (Solid  Waste Management)

a)    Kusimamia uhifadhi wa muda,uchambuzi na usafirishaji wa taka ngumu.

b)    Kusimamia uendeshaji wa dampo.

c)    Kusimamia uteketezaji wa taka ngumu na taka maji.

HALI YA WATUMISHI

Idara ina mtumishi 1 anayewajibika kwa vitengo vyote. Aidha taratibu za kuongeza watumishi zinaendelea.

MUUNDO WA IDARA

Idara ya Usafi na Mazingira imegawanyika katika vitengo viwili yaani kitengo cha USAFI na kitengo cha MAZINGIRA.

HIFADHI YA MAZINGIRA

Kitengo hiki kina wajibika kutekeleza majukumu mbalimbali kama ifuatavyo;

•kuhakikisha utekelezaji wa Sheria ya usimamizi wa mazingira kwenye eneo zima la Halmashauri ya Bagamoyo.

•Kushauri Menejiment na Kamati ya Usimamizi wa Mazingira ya Halmashauri kuhusu njia sahihi za kuhifadhi mazingira.

•Kutoa elimu ya uifadhi maliasili na Mazingira kwenye Halmashauri ya Bagamoyo.

•Kusimamia na kuratibu mipango kuhusu mazingira na matumizi ya maliasili ndani ya Halmashauri

•Kusimamia taarifa mbali mbali za Tathmini ya Athari kwa Mazingira (EIA) kwa ajili ya uwekezaji wa ndani wa miradi mbalimbali

•kufanya mapitio ya sheria ndogo zinazohusu usimamizi wa mazingira na shughuli maalumu za kisekta zinazohusiana na mazingira;

•kutoa taarifa kwa Mkurugenzi wa Mazingira na Mkurugenzi Mkuu kuhusu utekelezaji wa Sheria ya usimamizi wa mazingira.

•Kutoa Elimu ya Hifadhi ya Mazingira kwa wadau mbalimbali.

•Kushiriki katika kuandaa mpango kazi na Bajeti.

•Kushiriki katika tafiti zinazohusu usimamizi na Hifadhi ya Mazingira.

•Kufuatilia na kuainisha maeneo yanayopaswa kuhifadhiwa.

B: KITENGO CHA USAFI WA MAZINGIRA

Kitengo cha usafi wa Mazingira na taka ngumu kinatekeleza majukumu yafuatayo;-

•kuratibu zoezi la ukusanyaji wa taka ngumu na kuzitupa kwenye maeneo tengwa eg.dampo.

•Kuratibu zoezi la utupaji wa taka maji katika halmashauri ya Bagamoyo.

•Kusimamia utekeleza wa sheria, sera, taratibu na miongozo mbalimbali ya kusafisha mji.

•Kukusanya na kuondoa takataka na kuzipeleka Dampo.

•Kuhakikisha takataka zinatekeketezwa ipasavyo.

•Kusimamia Dampo.

 MIKAKATI YA IDARA

Mikakati hiyo ni pamoja na;-

1. Kuhakikisha kwamba elimu juu ya Hifadhi ya mazingira na afya ya jamii kwa wadau mbalimbali inafanyika mara kwa mara ilikupunguza au kuondoa kabisa tatizo la uharibifu wa mazingira magonjwa ya milipuko katika Wilaya.

2. kuchukua hatua stahiki kwa mujibu wa sheria ya usimamizi wa mazingira no 20 ya 2004 na marekebisho yake ya 2016 dhidi ya waharibifu wa mazingira, na ukiukwaji wa sheria ya afya ya jamii na 1 ya 2009 dhidi ya wale wote wanaoenda kinyume na kanuni, taratibu na miongozo ya afya ya jamii.

3. Kufuatilia na kuainisha maeneo yanayopaswa kuhifadhiwa kama maeneo yenye chepechepe za maji (Aridhi oevu), kandokando mwa kingo za mito, milima ya hifadhi ya jamii, na maeneo mengine yenye thamani mbalimbali ya uhifadhi.

4. Kuboresha taaluma ya watumishi pamoja na maslahi.

5. kuandaa mikakati na mipango mbalimbali ya uhifadhi na utunzaji wa mazingira kama programu za upandaji miti.

6. kufuatilia maandalizi, mapitio na vibali vya Tathmini za athari za mazingira zina fanyika kwa miradi mikubwa ya uwekezaji kama vile miradi ya ujenzi wa miundombinu ya umwagiliaji, Mashule, Minara, uchimbaji wa madini na pia wachimbaji wadogo wa madini kuhakikisha wana mipango ya ulinzi wa mazingira (EPP) na mipango ya usimamizi wa mazingira yaani (EMP) kwa mujibu wa sheria ya usimamizi wa Mazingira na 20 ya 2004 na sheria ya madini na 14 ya 2010.

7. Kuunda kamati za kuhifadhi mazingira kuanzia ngazi ya vijiji,kata na wilaya pamoja na klabu za mtoto kwa mtoto mashuleni.

8. Kuendelea kutoa elimu ya uhifadhi wa mazingira na mabadiliko ya tabia nchi kwa viongozi, watendaji na kamati za Mazingira.