MKURUGENZI BAGAMOYO ZIARA YA KIKAZI...

Posted on: June 13th, 2025

Mkurugenzi Mtendaji Halmashauri ya Wilaya ya Bagamoyo Bw Shauri Selenda amefanya ziara ya kikazi katika ya Kata ya Mapinga pamoja na Kata ya Zinga.

Katika Ziara hiyo Mkurugenzi ametembelea ujenzi wa Shule Shikizi ya Kimele ambayo ipo katika hatua ya Msingi wa vyumba vitatu vya madarasa pamoja na ujenzi wa matundu ya vyoo.

Aidha Mkurugenzi Bw Shauri ametembelea Mnada wa Nyama choma katika Kata ya Zinga na kuangalia maendeleo yanayoendelea kufanyika katika Mnada huo.

Mkurugenzi Ametoa msisitizo kwa Mhandisi wa Halmashauri pamoja na mafundi wanaoendelea kujenga katika mradi wa shule shikizi ya Kimele kuhakikisha wanazingatia Ubora wa kazi.

Pia amewataka kuhakikisha wanakuwa na mpango kazi unaoonesha kazi zinazotakiwa kufanyika katika mradi huo ili kuweka urahisi wa watu kufahamu nini kinaendelea katika mradi huo.

Aidha pia umemtaka Mhandisi wa ujenzi wa Halmashauri kuongeza usimamizi katika ujenzi huo pamoja na mradi kuendana na gaharama halisi ya fedha iliyotolewa na serikali.

Sanjari na hayo Bw Selenda amewataka wajumbe wa kamati katika mnada wa nyamachoma Kata ya Zinga kuhakikisha wanafanya mambo yote kwa uwazi ili kuepusha migogoro na wananchi.

@ikulu_mawasiliano

@ortamisemi

@ofisi_ya_makamu_wa_rais

@ofisi_ya_mkuu_wa_mkoa_wa_pwani

@gersonmsigwa