BAGAMOYO KUJITANGAZA KIMATAIFA SEKTA YA UTALIII...

Posted on: May 10th, 2025

Mkuu wa Wilaya ya Bagamoyo azungumza na wanabagamoyo kupitia Redio ya Harvest Time Fm 100.1 katika kipindi cha Morning Package juu ya ujio wa filamu ya kuonesha utalii wa Bagamoyo katika Anga za kimataifa.

Mhe Ndemanga ameyazungumza hayo ikiwa ni sehemu ya kuendelea kuunga mkono juhudi za Mhe Rais wa Jamhuri ya Muungano wa Tanzania katika sekta ya Utalii.

Mhe Mkuu wa Wilaya ametoa wito pia kwa wafanyabiashara pamoja na wamiliki wa Hoteli kuunga mkono swala hilo kwa kuweka udhamini wao ili kuhakikisha swala hilo linafanikiwa

Pia Mhe Ndemanga amesema tayari wameanza mazungumzo na kampuni kadhaa ili kuweza kidhamini filamu hiyo pamoja na kutoa mafunzo kwa wale waongozaji wa watalii watakao kuja kutalii Bagamoyo.

Vilevile Mhe Ndemanga amesema kuwa wamejipanga kisawasawa katika kuboresha miundombinu pamoja na kuendelea na kampeni yao ya usafi wa Mazingira na kufanya mji kuwa safi na kuvutia muda wote.

Mbali na yote Mhe Mkuu wa Wilaya ameendelea kwa kusema swala ulinzi na usalama lipo vizuri katika kila eneo la Bagamoyo na kuwatoa wasiwasi wale ambao wanahitaji kuja kufanya utalii Bagamoyo kutokuwa na mashaka kwenye eneo hilo.

Pia Mhe Amesema kuwa wameingia makubaliano na Kampuni ya Mtembezi Adventure katika maandalizi ya Filamu hiyo fupi ya utalii wa Bagamoyo na kusema pia tayari vazi rasmi la filamu hiyo lipo tayari.

Mwisho Mhe Mkuu wa Wilaya ametoa wito kwa wananchi wote kuendelea kuchukua tahadhali katika kipindi hichi cha mvua kwa kuendelea kuweka safi mazingira na kuchukua tahadhali zote za kiafya ili kuwa salama na magojwa ya mlipuko.