UZINDUZI WA MAKAUSHIO YA MAZAO YA BAHARI BAGAMOYO.....

Posted on: September 24th, 2025

 Kaimu Mkurugenzi mtendaji Ndg Majid Mhina ametembelea na kukagua miradi inayotekelezwa na shirika lisilo la kiserikali la VSO (Voluntary Services Overseas) katika kata ya Zinga eneo la Mlingotini ambapo ametembelea mradi wa kilimo cha mwani kwa kikundi cha Jipe moyo kilichowezehswa vifaa vya ukulima wa mwani na shirikia la VSO, mradi unatekelezwa kwenye eneo la ukubwa wa hekari 1.5

Lakini pia ametembelea  mradi wa kielelezo wa  Ufugaji wa samaki kwenye vizimba na bwawa lenye ukubwa wa mita za mraba 3 ambapo wamepandikiza vifaranga 1200,

 Mradi huo unaweza kufanyika kwenye eneo dogo hata la makazi kwa kuwa halihitaj eneo kubwa la utekelezaji mradi unasimamiwa na Umoja wa Wavuvi Wadogo Bagamoyo (CHAWABA).

Aidha Kaimu Mkurugenzi amezindua na kukabidhi mradi wa kaushio la mazao ya bahari katika eneo la Tandika kata ya Dunda lenye thamani ya tsh Mil 15 ambapo kaushio hilo lina uwezo wa kukausha wastani wa tani 1 za mwani kwa siku kwa kutumia nishati ya jua.