BENKI YA MATOFALI KUANZISHWA BAGAMOYO

Posted on: February 6th, 2020

Mkuu wa Wilaya ya Bagamoyo Mhe. Zainab Kawawa pamoja na kamati ya Ulinzi na usalama (W) leo amefanya ziara maalum ya kutembelea na kukagua ujenzi wa miundombinu ya vyumba vya madarasa, matundu ya vyoo na nyumba za walimu katika Shule 12 za Msingi na 03 za Sekondari, miradi iliyotekelezwa kwa fedha za EP4R kutoka Serikali Kuu.

Ziara hii imefanyika ili kuona hali halisi ya namna utekelezaji wa miradi hiyo ulivyofanyika na kuona upungufu ama uhitaji wa miundombinu ya ziada katika Shule hizo, kisha kujipanga kuja na mkakati maalum uitwao “BENKI YA MATOFALI” ambapo kila kata itakusanya matofali 6000 katika awamu ya kwanza.

Mhe. Mkuu wa Wilaya pia amesema lengo la kuanzisha benki hiyo ya matofali ni kutumia matofali hayo kwa ajili ya uboreshaji wa miundo mbinu katika Shule za Msingi na Sekondari ambayo ni vyumba vya madarasa, nyumba za walimu na matundu ya vyoo.

Shule zilizotembelewa katika ziara hii ni pamoja na Shule ya Msingi Mtakuja (Ujenzi wa vyumba vitatu vya madarasa), ,

Shule ya msingi Mwavi (Chumba 01 cha darasa)

Shule ya Msingi Kifude ( Vyumba 02 vya madarasa)

Shule ya Msingi Miembe 7 (Vyumba 02 vya madarasa)

Shule ya Msingi Kongo (Vyumba 02 vya madarasa)

Shule ya Msingi Yombo (Chumba 01 cha darasa)

Shule ya Msingi Udindivu ( Vyumba 02 vya madarasa)

Shule ya Msingi Mapinga ( Vyumba 03 vya madarasa)

Shule ya Msingi Kerege ( Vyumba 04 vya madarasa)

Shule ya Msingi Ukuni ( Chumba 01 cha darasa)

Shule ya Msingi Kigongoni (Chumba 01 cha darasa)

Shule ya Msingi Nia njema ( Chumba 01 cha darasa)

Ujenzi wa Shule mpya ya Sekondari Mapinga

Shule ya Sekondari KINGANI (Vyumba 02 vya madarasa na maabara)

Shule ya Sekondari Matimbwa (Nyumba 04 za walimu)

Shule ya SekondarinFukayosi (Vyumba 02 vya madarasa)