DC KAWAWA AAGIZA TARURA KUONDOA VIFUSI VYOTE BARABARANI

Posted on: February 2nd, 2021

Mkuu wa wilaya ya bagamoyo amewataka wakala wa barabara mijini na vijijini (TARURA) kuondoa vifusi vyote ambavyo wamevimwaga barabarani kuviondosha mara moja katika sehemu zote walizomwaga vifusi hivyo katika barabara zote.

Ameyasema hayo hapo jana tarehe 1February 2021 wakati wa upitishaji wa Rasimu ya Mapendekezo ya Bajeti ya Maendeleo mwaka 2021/22 katika kamati ya Ushauri Wilaya ya Bagamoyo na kutoa maelekezo hayo wakati wa kikao hicho na kutoa muda wa siku moja kuondoshwa kwa vifusi hivyo.

Mhe Kawawa ameeleza changamoto hiyo ya vifusi vilivyopo barabarani kuwa ni kero kwa wananchi ambapo vinasababisha foleni,njia kuwa ndogo na magari kushindwa kupishana pia kusababisha kutokea kwa usumbufu huo

‘’nataka  vile vifusi viwe vimebadirika ama mviondoe kama hamtaki kurekebisha hizo barabara  lakini nisivikute kote mliko mwaga vifusi vyenu muende mkavitoe kama hamuwezi kuvisambaza’’ Alisema Mhe Kawawa

Aidha Mhe Kawawa pia amesema kuwa kulinagana na mapendekezo waliopendekeza kwenye rasimu ya mapendekezo ya bajeti 2021/22 kuhakikisha wanasimamia vizuri katika makusanyo ya mapato ya ndani vizuri ili kuweza kurahisisha katika utekelezaji wa majukumu na kuweza kujiendesha wenyewe bila ya kusubiri fedha kutoka serikali kuu

Pia Mhe Kawawa amesema kuwa kuwekwa kwa utaratibu mzuri wa matumizi ya rasilimali ya mapato pale ambapo wamekusanya na kuacha matumizi baya ya mapato hayo kwani itakuwa ni aibu kwa kutumia vibaya pasha za mapato ya ndani pasipo kufanya miradi ya maendeleo

‘’unaposema mwenzetu huyu tajiri lazima tuone utajiri wako upoje pia na matumizi yako yapoje na mipango yako ipoje ya fedha ambazo ulizokuwa nazo lazima tuweke utofauti katika matumizi yetu’’alisema Mhe Kawawa

Aidha Mhe Kawawa ametoa pongezi kwa Halmashauri ya Bagamoyo kwa kupata mafanikio katika soko la samaki ambalo soko hilo linatarajiwa kuanza kwa ujenzi huku kikubwa akisisitiza nidhamu kwani mafanikio ya rasilimali fedha yanatokana na nidhamu nzuri ya kukusanya na nidhamu nzuri ya kutumia hivyo ni muhimu kuwa na nidhamu zote ili kuhakikisha mamabo waliyoyapnaga yanakwenda kama yalivyo andikwa.

Pia katika hatua nyingine Mhe Kawawa amegusia swala zima la usafi wa mazingira na kueleza kuwa ipo haja ya kuanza kutumia sharia elekezi kwa utupaji ovyo wa takataka na kutosafisha mazingira kwani kufanya hivyo itawafanya watu kuamka na kuanza kuwa hamasa ya kufanya kufanya usafi katika maeneo yao ili pia kuweza kufika malengo ya kuiweka bagamoyo katika hali ya usafi muda wote.

Katika  Kamati ya Ushauri Wilaya ya Bagamoyo (DCC) imepitisha Rasimu ya mapendekezo ya Mpango na Bajeti ya Maendeleo mwaka 2021/2022 kwa Halmashauri ya bagamoyo jumla ya kiasi cha Tsh 41,860,877,939.00 kwa halmashauri ya wilaya ya bagamoyo kwa mwaka wa fedha 2021/2022 kati ya fedha hizo Tsh.8,069,195,609 ni ruzuku ya miradi ya maendeleo,Tsh 28,128,366,330 mishahara na Tsh 3,854,020,000 ni mapato ya ndani.