DC SHAIBU HONGERENI KWA KUANZISHA MAKAO YA WATU WENYE UHITAJI...

Posted on: August 10th, 2025

Agosti 9,2025 Mkuu wa Wilaya ya Bagamoyo Mhe Shaibu Ndemanga ametoa pongezi kwa uongozi wa Baobab  Kwa kuanzisha Kituo cha watoto wenye uhitaji  kwani jamii inahitaji msaada mkubwa kwa watoto hao.

Mhe Ndemanga ametoa pongezi hizo wakati wa maafali ya darasa la saba shule ya awali na Msingi Baobab na kusema kuwa  “jamii endeleeni kushirikiana na wadau hawa waliojitoa kuanzisha makao haya kwa watoto wenye uhitahi kwa kuwaunga mkono kuwasaidia ili na wao waweze kutimiza malengo yao”.

Aidha Mhe  Ndemanga ameupongeza Uongozi wa Shule ya Baobab kwa kuwafundisha wanafunzi kuwa vizuri kujiamini katika kujieleza pamoja na ufaulu kwa ujumla na Amewataka pia kuendelea kufanya juhudi kubwa kuhakikisha watoto wote wanakuwa wanapata ufaulu wa juu  kwa wanafunzi wote.

Pia amesema kuwa ipo haja ya kuendelea kuwaandaa watoto hawa vizuri kwani ndio taifa la kesho hivyo wanahitaji maandalizi mazuri ili kuweza kuja kulisaidia Taifa letu  vilevile amewapongeza uongozi wa shule hiyo kwa kuona haja ya kuanzisha shule ya Amali ambayo itamsaidia mwanafunzi kuondoka na ujuzi ambao utamsadia kujiajiri.

Pia wametoa wito kwa wazazi kutopuuza elimu ya Amali kwani inamsaada mkubwa sana kwa Waanafunzi kwa kuwafundisha ujuzi ambao utakwenda kumfanya asiwe tegemezi bali itamfamfanya kwenda kujiarili kutokana na ujuzi huo.

Pia mhe Ndemanga amewaasa wanafunzi wa Darasa la saba ambao wanatarajia kufanya mitihani yao ya kuhitimu kuhakikisha wanafanya vizuri kwenye mitihani yao na kuwa na tabia njema pindi watakapo hitimi Elimu yao ya Msingi na kuwataka kujianda vizuri na Mitihani  yao ya kuhitimu.

Kwa upande wa wazazi wametakiwa kuendelea kuwapa kila aina ya ushirikiano wanafunzi hao  pindi wanapohitimu masomo yao pamoja na kuwa nao karibu na kuwatazama wanavipaji vya aina gani ili kuweza kuwaendeleza katika vipaji vyao na kutimiza ndoto zao Lakini pia Mhe Ndemanga amewataka walimu na wazazi kuendelea kuwafundisha watoto hao kuwa wazalendo na kuipenda nchi yao kwa dhati kabisa.