DED BAGAMOYO AONGOZA KIKAO CHA WATUMISHI BAGAMOYO…

Posted on: August 12th, 2025

DED BAGAMOYO AONGOZA KIKAO CHA WATUMISHI BAGAMOYO…

Agosti 12,2025 Mkurugenzi Mtendaji Halmashauri ya Wilaya ya Bagamoyo Bw, Shauri Selenda amefanya kikao na watumishi wa Halmashauri kwa lengo la kujadili maswala mbalimbali ya Utumishi wa umma Pamoja na kupokea maoni kutoka kwa watumishi hao.

Kikao hicho kilichofanyika katika ukumbi wa Mikutano wa Halmsahuri hiyo watumishi kutoka Idara Pamoja na Vitengo mbalimbali vya Halmashauri walipata kushiriki kikao hicho ikiwa ni kikao cha kwanza cha robo toka kuanza kwa mwaka mpya wa fedha 2025-2026.

Wakati wa kikao hicho hoja mbalimbali za watumishi zilijadiliwa ikiwepo stahiki za watumishi,uwajibikaji wakati wa kazi nidhamu kazini Pamoja na kusikiliza changamoto ambazo zinawasibu watumishi hao katika utendaji wao wa kazi.

Aidha katika majadiliano hayo yaliyokuwa yanafanyika katika kikao hicho watumishi walitoa pongezi kwa Mkurugenzi Mtendaji kwa kazi kubwa na juhudi kubwa anazozifanya katika kuhakikisha Halmashauri inafanya vizuri katika ukusanyaji wa mapato pampoja na kuzingatia Stahiki za watumishi Pamoja na kutenga fedha ya ununuzi wa bajaji tatu kwa ajili ya watumishi wenye uhitaji maalumu.

Mkurugenzi Mtendaji Bw Shauri Selenda nae amesema kuwa lengo lake ni kuhakikisha Halmashauri inazidi kupanda katika kukusanya mapato Pamoja na kutimiza malengo waliojiwekea kama Halmashauri katika Mwaka huu wa Fedha 2025-2026.

Pia Mkurugenzi ametaja vipaumbele vya Halmashauri ambavyo watavitekeleza katika kipindi cha mwaka 2025-2026 na kusema kuwa  Halmashauri ina mpango wa kuhakikisha wanajenga soko la udindivu na soko la KwaKibosha,Wanaendeleza mpango wa ujenzi wa Jengo la Halmashauri,Kuhamisha Dampo la Sanzale,Kununua Bajaji tatu za watumishi wenye uhitaji maalumu,ukusanyaji wa mapato,kuhakikisha kila kipande cha Halmashauri kinaiingizia mapato Halmashauri kwa usimamizi mzuri kutoka katika kila Idara.

@ikulu_mawasiliano @ofisi_ya_makamu_wa_rais 

@ortamisemi @owm_tz @ofisi_ya_rais_utumishi 

@ofisi_ya_mkuu_wa_mkoa_wa_pwani @harvesttimeradiotz