KAMATI YA FEDHA, UCHUMI NA MIPANGO YAFANYA ZIARA YA KUKAGUA MIRADI.

Posted on: April 28th, 2021

Kamati ya Fedha, Uongozi na Mipango ikiongozwa na Mwenyekiti wa Halmashauri ya Wilaya ya Bagamoyo Mhe. Mohamed Usinga  imefanya ziara ya kutembelea miradi ya ujenzi unaoendelea katika shule za sekondari pamoja na kufanya ukaguzi  wa mapato katika mashimo ya mchanga Kiromo,minada ya samaki pamoja na duka la dawa katika Hospitali ya Wilaya ya Bagamoyo.

Kamati ya Fedha ,Uongozi na Mipango imefanya  ziara hiyo tarehe 28 Aprili 2021 kwakutembelea shule ya sekondari Hassanal Damji ili kufahamu maendeleo ya ujenzi wa maabara ya sanyansi ambayo ujenzi wake unatarajiwa kukamilika tarehe 30 mwezi Mei ikiwa tayari imekwisha pata fedha za maendeleo milioni 33 ili kukamilisha ujenzi wa maabara hiyo.

Katika hatua hiyo waliofikia wanakabiliwa na changamoto ya kupanda kwa bei za vifaa hata hivyo, mwenyekiti wa kamati ya ujenzi amesema kuwa wanaendelea kufanya jitihada ili kuweza kutatua tatizo hilo ili kuhakikisha kuwa ujenzi huo unamalizika kwa wakati uliopangwa.

Aidha Mwenyekiti wa Halmashauri pamoja na Kamati yake  wametembelea pia ujenzi wa nyumba ya watumishi wa kituo cha afya Matibwa na kukosoa  hatua walio fikia huku mafundi hao wakati  mradi huo wa ujenzi umepata fedha za mnaendeleo kiasi cha shilingi milioni 20 ili kukamilisha ujenzi wa nyumba hiyo ya watumishi wa afya.  ‘’ Inasikitisha kuona mradi huu wa ujenzi wa nyumba umechukua muda mrefu, karibu miaka sita, wakati huo napigania udiwani awamu ya kwanza  lakini hadi sasa umekwama pamoja na fedha zote zilitolewa  kwa umetuangusha’’ alisema Mhe.Usinga .

Hata hivyo alimuagiza Mkurugenzi wa Halmashauri ya Wilaya ya Bagamoyo  kupeleka  Mkaguzi wa ndani wa Halmashauri  ili kujiridhisha na matumizi ya fedha zilizotolewa na kuagiza  Kamati ya ujenzi ya Kijiji hicho kumaliza mradi huo kwa gharama ya Kijiji vinginevyo watawajibishwa kwa kutowajibika ipasavyo.

Pia Kamati hiyo  ilitembelea kata ya Kiromo kukagua mapato katika machimbo ya mchanga ,Duka la dawa katika hospitali ya Wilaya ya Bagamoyo,Minada ya Samaki,Ujenzi wa Bwalo la chakula shule ya sekondari Kingani,pamoja na kukagua hali ya standi ya mabasi yanayofanya safari za Bagamoyo –Dar es salam.