MAFUNZO KWA WASIMAMIZI WASAIDIZI WA UCHAGUZI YAMEANZA JIMBO LA BAGAMOYO...

Posted on: August 4th, 2025

MAFUNZO KWA WASIMAMIZI WASAIDIZI WA UCHAGUZI YAMEANZA JIMBO LA BAGAMOYO.   

Wasimamizi wasaidizi wa uchaguzi ngazi ya Kata jimbo la Bagamoyo, Mkoa Pwani wametakiwa kufuata, kanuni na miongozo ya Tume huru ya uchaguzi ili kuufanya uchaguzi wa mwaka huu kuwa huru na wahaki.

Hayo yamesemwa leo na Msimamizi wa Uchaguzi Jimbo  la Bagamoyo, Bw Elinifaraja Mporere wakati akifungua semina ya siku tatu ya mafunzo kwa maafisa wasaidizi ngazi ya Kata kwa Halmashauri ya wilaya Bagamoyo yanayoendelea kwenye chuo cha Wakala wa uongozi wa elimu Bagamoyo-ADEM.

“Nawaasa wana mafunzo wote kuhakikisha kuwa kanuni, taratibu na miongozo ya ya Tume huru ya uchaguzi inafuatwa ili kuondoa malalamiko kwa wadau wa uchaguzi na vyama vya siasa” amesema Mporere.

Amesema kuwa anaimani kubwa na maafisa wote ambao watashiriki kwenye tukio hili kubwa la kupata viongozi wapya kwa upande wa Rais, Ubunge na Udiwani.

Mafunzo haya ya siku tatu yanaendeshwa na maafisa wasaidizi ngazi ya Jimbo la Bagamoyo kwa malengo ya kuongeza uelewa kuhusu uchaguzi na kujifunza mambo Mahsusi  yanayotakiwa kuyafuata.

@ikulu_mawasiliano

@tumeyauchaguzi_tanzania 

@ofisi_ya_makamu_wa_rais 

@owm_tz