MAFUNZO YA UWAWA YAENDELEA BAGAMOYO..

Posted on: March 21st, 2023

Mafunzo ya Siku 3 ya Uongozi ya Uhuishaji wa Ushirkiano kati ya Wazazi na Walimu(UWaWa) yanayojumuisha Walimu Wakuu wa Shule za Msingi, Maafisa Elimu Kata na Wenyeviti wa Kamati za Shule katika Halmashauri ya Wilaya ya Bagamoyo yameendelea  katika Shule ya Sekondari Bagamoyo Mkoani Pwani.

      Mafunzo hayo yenye lengo la kuanzisha umoja wa Ushirikiano kati ya Walimu na Wazazi (UWaWa) katika shule za Msingi 40 kutoka Kata zote 11 za  Halmashauri ya Wilaya ya Bagamoyo yana lengo la kukuza Ushirikiano kati ya Walimu na Wazazi ili kutokomeza utoro Mashuleni, kupunguza  mimba mashuleni, kuongeza ufaulu, upatikanaji wa chakula mashuleni pamoja na  masuala  ya usalama  wa Watoto.

             Wakizungumza kwa nyakati tofauti Wanasemina hao walitoa ushuhuda wa dhati kwa jinsi gani wanavyojidhatiti kupunguza au kukomesha kabia utoro katika shule zao. Mzee Abubakar Mposso Mwenyekiti wa Kamati  Shule ya Msingi Mbarouk Bagamoyo alisema kuwa, kuna utoro wa aina mbili rejareja na utoro sugu.

‘’ Kwa upande wetu nasema kuwa, utoro upo wa \rejareja na utoro sugu , kwa utoro sugu tunachofanya kwa kumtambua mtoto husika  na kuwasiliana na wazai wake pamoja na Uongozi wa Kitongoji pamoja na mrattibu Elimu Kata kwa kutumia Polisi Kata tunashirikiana kumtafuta mwanafunzi husika mpaka apatikane. Kwa kiasi kikubwa tumeweza kudhibiti utoro katika Shule yetu’’  Alisema Mzee Mposso.  

       Kwa upande wake Mwalimu Fatuma Fereji Afisa Elimu Kata Zinga anahusisha utoro kwa wanafunzi kutokana na sababu mabalimbali zikiwemo mataizo ya kifamiliya, uhaba wa Chakula katika familiya duni kuwafanya Watoto kwenda kuhangaika kujtafutia chakula. ‘’Kwa upande wetu utoro ni tatizo sugu na linatusumbua sana, ila kwa sasa tunatatua changamoto hizi kwa kuongea na walimu wa madarasa kuwabainisha watoro wote na kuwajulisha Wazazi wao pamoja na wenyeviti wa vitongoji na Afisa Mtendaji Kata. Tunakutana pamoja na Watoto na kupanga mkakati wa kuwarudisha shuleni, sio hivyo tuu Wenyeviti wa Vitongoji mafano Zinga Mshikamano wanapita nyumba kwa nyuma kuhamasisha masuala ya utoro’’ Alisema Bi Fereji. Hata hivyo Afisa Elimu Kata huyo alishauri suala la upatikanji wa Chakula ni iwe kipaumbe hii itapunguza kwa utoro kwa aslimia kubwa kwa Watoto wengi wanatoka katika familya maskini.

       Mafunzo ya Ushirikiano kati ya Walimu na Wazazi (UWaWa) yanafadhiliwa na Mradi wa Elimu Bora kupitia Ufadhiliwa Serikali ya Uingereza (UK Aid)  kwa kushirikiana na Wizara ya Elimu na Ofisi ya Rais TAMISEMI.