MKUU WA MKOA PWANI ATEMBELEA BAGAMOYO.

Posted on: May 27th, 2021

Mhe. Abubakar Kunenge, Mkuu wa Mkoa wa Pwani , Mei 27, 2021 Ameendelea na Ziara yake Wilayani Bagamoyo yenye lengo la Kujitambulisha na kukutana  na Viongozi wa Ngazi mbali mbali.

Akizungumza na Watumishi wa Halmashauri ya Bagamoyo, Kunenge amemtaka Katibu Tawala Mkoa na Wakurugenzi Mkoani hapo kuandaa Mpango wa kila Halmashauri unaonesha  Maeneo Muhimu ya Kipaumbele  ambayo yatafanyiwa kazi na kuleta mafanikio kwenye kila  Sekta.

"Mnafanya Vizuri Bagamoyo, lakini ipo nafasi ya kufanya Vizuri zaidi" kitu cha muhimu ni kufanya Kazi kama timu, muwe watu wa kubadilika kwa haraka ili mambo yaende,

Ni wajibu wenu kuleta mabadiliko amewaeleza Wataalamu hao.

Amewataka Watumishi hao  kufanya kazi kwa bidii, " Maafisa Utumishi kila mtu apimwe kulingana na Kazi anazozifanya" Ameeleza Kunenge.

Akizungumza na Kamati ya Siasa Wilayani Bagamoyo amewaeleza wajumbe hao kuwa amefika kujitambulisha na kwakuwa Chama ndiyo chenye Ilani na  kimeunda Serikali.

"Lazima tufanye kazi kwa karibu Chama na Serikali, Chama Imara huleta Serikali Imara" nataka Chama Imara  Wilaya ya Bagamoyo. "Wakati mwingine tunapoteza muda mwingi kuvutana wenyewe kwa wenyewe na kujadilaana sisi kwa sisi hatuwezi kupata maendeleo kwa haraka tukiendekeza hayo, Nia yangu ni kubadilisha Bagamoyo", alisema Kunenge.