MKUU WA MKOA WA PWANI AWAAPISHA WAKUU WA WILAYA..

Posted on: January 30th, 2023

Mkuu wa Mkoa wa Pwani  Mhe.Abubakar Kunenge leo Januari 30,2023 amewaapisha Wakuu wa Wilaya wawili walioteuliwa na Mhe.Dkt.Samia Suluhu Hassan hivi karibuni.

Walioapishwa ni Mhe.Col.Samwel Kolombo anayekuwa Mkuu wa Wilaya ya Kibiti na Mhe.Zephania Sumaye   Mkuu wa Wilaya ya Mafia.

Mhe.Kunenge amesema Mkoa wa Pwani ni Mkoa wa uwekezaji wa Viwanda hivyo ametoa rai kwenda kuboresha maeneo wa uwekezaji ili kuwavutia wawekezaji kwani kwa kufanya hivyo ni kupanua wigo wa vyanzo vya Mapato.

"Mtangulizeni Sana Mwenyezi Mungu awaongoze,msimpendelee mtu wala kumnyima Mtu haki yake.Mkashirikiane na kamati za amani katika maeneo yenu kutatua migogoro"

Aidha,amewataka Wakuu wa Wilaya kuwa tayari kujifunza kutoka kwa wengine ili waweze kuwasaidia wananchi wao vizuri.

Awali Katibu Tawala wa Mkoa wa Pwani Zuweza Jiri amewapongeza Wakuu wote wa Wilaya kwa kuaminiwa na kuteuliwa kushika nyidhifa hizo na kwamba Sasa kazi ni moja ambayo ni kuwatumikia wananchi kikamilifu huku suala la kukusanya Mapato ikiwa ni kipaumbele nambari moja.

Jiri amesema kuwa wananchi wanahitaji nishati ya Umeme,Maji,Barabara hali kadhalika wanahitaji  Elimu lakini yote haya yanahitaji fedha.Nendeni mkasaidie kukusanya Mapato lakini pia mkadhibiti upotevu wa Mapato yaliyokusanywa.Hii ni timu Pwani tukatekeleze kwa ushirikiano amesema Jiri.

Katika hatua nyingine Shekhe wa Mkoa wa Pwani Khekhe Abbasi Mtupa amewataka Wakuu wa Wilaya kuwa wanyenyekevu wakati wa kuwahudumia wananchi kwani kufanya hivyo Kuna thawabu nyingi mbele za Mungu.

Mkoa wa Pwani una Wilaya Saba na jumla ya Halmashauri tisa.