MKUU WA WILAYA YA BAGAMOYO ATOA ONYO KALI KWA WAFANYA BIASHARA.

Posted on: December 7th, 2021

Mkuu wa Wilaya ya Bagamoyo  Mhe Zainab Abdallah ametoa onyo kali kwa wafanyabiashara wanaofanya biashara za dawa na vifaa tiba bila kupata kibali kutoka kwa mamlaka husika na kuwataka kuacha biashara hizo mara moja ili kuepika hatua kali za kisheria dhidi yao.

Akizungumza wakati wa kikao cha uhamasishaji wa kazi za TMDA kwa viongozi na watumishi wa Halmashauri ya Wilaya ya Wilaya ya Bagamoyo kilichofanyika katika ukumbi wa ndani wa Tasuba Bagamoyo tarehe 7 Desemba 2021.

Mhe Zainab Abdallah amesema kuwa ni kosa kisheria kufanya biashara ya dawa na vifaa tiba bila kupata kibali kutoka katika mamlaka husika na hivyo hatua kali za kisheria zitachukuliwa kwa wafanyabiashara wote ambao hawajafata taratibu za kisheria na bado wanaendelea kufanya biashara hizo za dawa na vifaa tiba.

Pia Mkuu wa Wilaya amesisitiza kuwa atashiriki kikamilifu kwa maslahi mapana kwa wanabagamoyo wote  wakati wa zoezi la ukaguzi ili kuhakikisha wafanya biashara wote wanaohusika na kufanya matendo amabyo ni kinyume na taratibu na sheria wanachukuliwa hatua haraka iwezekanavyo

Nae Meneja wa kanda ya Mashariki Adonis Bitegeko amesema kuwa lengo kuu la kufanya kikao hicho ni kuwaelimisha,kupanga mikakati,majukumuu ya TMDA kwa  viongozi na watumishi wa Halmashauri Pamoja na kufanya uhamasishaji wa kazi za Mamlaka ya Dawa na Vifaa Tiba

Pia ndg Adonis amesema kuwa kupitia sheria ya dawa na vifaa tiba sura namba 219 kuna majukumu ambayo yamekasimiwa ya TMDA na Waziri wa Afya kwenye ngazi za Halmashauri ambayo yanahusiana na ukaguzi wa Dawa vifaa tiba na vitengenishi.