Siku ya Mtoto wa Afrika.

Posted on: June 16th, 2021

Mkurugenzi Mtendaji wa Halmashauri ya Wilaya ya Bagamoyo Bi.Fatuma Latu leo ameongoza sherehe za maadhimisho ya Mtoto wa Afrika yaliyofanyika katika ukumbi wa Tasuba Bagamoyo.

Akizungumza katika sherehe hizo Bi.Fatuma Latu amesema kuwa ni jambo zuri na la msingi kwa wazazi kuwa makini katika kuwalinda watoto wao na matatizo mbalimbali hivyo ni vema pia kutoa taarifa kwenye mamlaka husika pindi linapotokea tatizo kwa mtoto.

Aidha Mkurugenzi pia amewasisitiza watoto wote kuwa wawazi kwa wazazi wao pindi wanapopata matatizo ili waweze kusaidika. 

Pia Mkurugenzi amewapongeza watoto wote waliojitikeza pamoja na wazazi walioongozana na watoto hao katika kuhakikisha wanasherehekea kwa pamoja siku hii ya mtoto wa Afrika. 

Kauli mbiu ya maadhimisho ya siku ya mtoto wa afrika mwaka huu ni tekeleza ajenda 2040 kwa afrika inayolinda haki za mtoto