WIKI YA CHANJO.

Posted on: April 29th, 2021

Mkuu wa Wilaya ya Bagamoyo Mhe Zainab Kawawa amezindua wiki ya chanjo ya Polio ya sindano katika Hospitali ya Wilaya ya Bagamoyo kwa watoto walio chini ya mwaka mmoja na kuwapongeza wazazi walio jitokeza kuwaleta watoto wao kupata chanjo hiyo.

Uzinduzi huo umefanyika katika Hospitali ya Wilaya ya Bagamoyo tarehe 29 Aprili 2021 ambapo Mhe.Zainab ameeleza umihumu wa chanjo hiyo huku akitoa pongezi kwa wote walioandaa zoezi hilo la utoaji wa chanjo ‘’nitoe shukrani zangu kwa wale wote walioandaa zoezi hili pamoja na kunialika kuwepo hapa ili kusudi niweze kushiriki zoezi hili la muhimu sana kwa ajili ya kuimarisha uhai na afya ya jamii’’ amesema Mkuu wa Wilaya.

Mhe. Zainab Kawawa amesema kuwa watu wote wamepitia hatua ya kupata chanjo hiyo, hivyo  chanjo ni jambo muhimu sana kwa kila mmoja wetu kumleta mtoto ili kuweza kupata chanjo kwani chanjo hii ya Polio ina umuhimu mkubwa sana na inasaidia vitu vingi katika mwili.

‘’Chanjo ya Polio inazuia viungo vya mwili visije vikapooza vikashindwa kufanya kazi yake hatimae ukaja kuwa mlemavu na taifa kupoteza nguvu kazi’’amesema Mkuu wa Wilaya.

Aidha Mkuu huyo  wa Wilaya  pia amesisitiza kuwa chanjo hizo lazima zifutae utaratibu kama ambavyo wataalamu walivyotoa maelekezo na kuongeza kuwa wanahitaji jamii ya watu wenye afya bora,jamii yenye nguvu kazi ya kutosha pamoja na jamii ambayo inafata ratiba na taratibu zote za chanjo .

Ugonjwa wa Polio ni ugonjwa unaoambukizwa na virusi vijulikanavyo kwa jina la kitaalamu kama Polio virus,ungonjwa huo wa Polio unakingwa kwa chanjo ya polio ya Matone (OPV) ambayo hutolewa mtoto anapozaliwa na katika wiki ya 6,10 na 14.Chanjo ya sindano (IPV) hutolewa mtoto anapotimiza umri wa miaka 14.