ZIARA UJENZI WA VYUMBA VYA MADARASA

Posted on: January 4th, 2021

Mkaguzi mkuu wa ndani pamoja bwana Hamis Millas Juma  na Vincent Mirambo ( FMO)
wamefanya ziara leo januari 4 katika halmashauri ya wilaya ya bagamoyo kukagua maendeleo
ya ujenzi wa vyumba vya madarasa sekondari ili kuionea hatua walio fikia.  

Ziara hiyo ilijumuisha wakaguzi hao kutoka mkoa pamoja na mkurugenzi mtendaji wa
halmashauri ya wilaya ya bagamoyo,mbunge wa wilaya ya bagamoyo,mwenyekiti wa
halamashauri,pamoja na walezi wa kata pamoja na watendaji wa kata..

Akizungumza na viongozi pamoja na wananchi waliojitokeza katika ziara hiyo Mkurugezni
Mtendaji wa halmashauri ya wilaya Bi Fatuma O Latu amewapongeza wanachi pamoja na viongozi
wanahakikisha wanatimiza agizo la Mhe Waziri Mkuu la ujenzi wa vyumba
vya madarasa ili kuhakikisha wanafunzi wote walio faulu mitihani ya darasa la saba 2020
wanaweza kujiunga na masomo ya kidato cha kwanza 2021.

Nae mwenyekiti wa halamshauri Mohamed A.Usinga  amesema kuwa watu wote wote
wanahitajika kujitoa na kushikamana ili kuhakikisha ujenzi ulioanza unamalizika na
changamoto zilizokuwepo pia zinatatuliwa kwa wakati ili kuhakikisha ujenzi huo
unaisha kwa wakati uliopangwa.‘’ili tufikie malengo tuliojiwekea lazima tuhakikishe wote
tunakuwa kitu kimoja na pia tunashirikiana kwahali na mali ili tuweze kukamilisha haya
majengo tuinayojenga kwa wakati stahiki na sio vinginevyo’’alisema mh Usinga

Mbunge wa wilaya ya bagamoyo Mhe Mwarami Mkenge amesema kuwa pindi mafundi
watakapofikia kwenye linta yeye atatoa kiasi cha shilingi laki tano kwa ajili ya kununulia
nondo kwa kila shule iliyopo katika jimbo ambayo inatakiwa kuongeza vyumba vya
madarasa‘’ahadi yangu mimi katika kuchangia na mimi kwenye huu ujenzi wa vyumba vya
madarasa nitatoa laki tano kwa kila shule inayofanya ujenzi bila kupendelea ili ziweze kunu
nuliwa nondo za linta’’alisema mhe Mkenge

Wajumbe kutoka mkoani bwana Hamisi Millas Juma pamoja na Vicncent Mirambo
wametoa pongezi kwa hatua ambayo tayari ipo ya ujenzi huku wakisema kuwa changamoto zilizopo
pia zimepokelewa na zitafikishwa sehemu husika huku wakitoa msistizo kuwa ziara hiyo sio ya mwisho
bali zitakuwa ni ziara nyingi zinakuja ili kuhakikisha ujenzi unakamilika kwa wakati
‘’sisi hatuna maneno mengi sana balo tupo hapa kwa ajili ya kuangalia sehemu ambayo mpo na namna
mabavyo mnafanya ama mnatekeleza agizo la Waziri Mkuu ndio maana tunasistiza kuwa changamoto
zilizopo tutazifikisha mahali husika lakini nanyie endeleeni na ujenzi’’ alisema Hamis Millas Juma         

Ujenzi wa vyumba vya madarasa 32 katika halmashauri ya wilaya ya bagamoyo vinatakiwa kukamilika
kabla au ifikapo tarehe 28/02/2021 ili kuwezesha wanafunzi wote walio faulu mitihani ya darasa la saba
2020 waweze kujiunga na masomo ya kidato cha kwanza mwaka 2021..